మనకు మనమే బానిసలం
కొండ శిఖరం కొనపై జీవించడం
అంత సులభమేమీ కాదు
సముద్రం మీద పడవ ప్రయాణం
అనుకున్నంత ఆనందమేమి కాదు
అలల బెదిరింపు
తుఫానుల భీబత్సం
ఎప్పుడూ ని వెన్నంటి ఉంటూనే వుంటాయి
నీ నావను నువ్వే నడుపుతున్నప్పుడు
ఉన్నంత ధైర్యం, నిబ్బరం
మరెవరో నడుపుతున్నప్పుడు ఉండకపోవచ్చు
జీవితమూ అంతే
నీ జీవితాన్ని మరెవరో నిర్దేశిస్తున్నప్పుడు
చుక్కాని నీ మాట వినదు
అప్పుడు నీ చుట్టూ వున్న ప్రకృతి
ఉన్నంత అందంగా కనిపించక పోనూ వచ్చు!
ఇంతకూ నే చెప్పొచ్చేదేమిటంటే
మనమందరమూ బానిసలమే
నావకో
చుక్కానికో
నడిపే వాడికో?
అప్పుడప్పుడు
మనకు మనమే !?
No comments:
Post a Comment