ఎవరంటే?
నన్నెవరని అడిగితె
కొన్ని ఉదయ కాంతుల్ని
కొన్ని హృదయ తంత్రుల్ని
కొన్ని హద్దుల సరిహద్దుల్ని
కొన్ని సంప్రదాయ పూదోటల్ని
వెంట పెట్టుక వచ్చిన వాన్నని!
కొన్ని పచ్చిక మైదానాల్ని
కొన్ని మబ్బుల గుంపుల్ని
కొన్ని ఇంద్ర ధనుస్సుల్ని
కొన్ని తెల్ల పావురాల్ని
కొంత ప్రేమ పుప్పొడిని
మూట కట్టుక వచ్చిన వాన్నని !
కొన్ని సెలయేళ్ళను
పరుగెత్తే లేళ్ళను
కొన్ని మయూరాలను
పాడే కోకిల క౦ఠాలను
స్ప౦ది౦చే చిన్ని గుండెను
తట్టి లేపిన వాన్నని!
కొన్ని దర్బ పుల్లల్ని
కొన్ని అరటి బోదెల్ని
కొన్ని కొబ్బరి మట్టల్ని
కొన్ని మామిడి ఆకుల్ని
చేమర్చగలిగే రెండు కళ్ళని
మోసుకొచ్చిన వాన్నని
వాళ్లకు చెప్పాను!
అయితే నీ కిక్కడే౦పని అన్నారు
నిర్లక్ష్యంగా!?
అప్పుడు
కొన్ని చురకత్తుల్ని
కొన్ని ఎ.కే ౪౭ లను
కొంత ఆర్.డి. ఎక్స్ ను
కొన్ని అణు బాంబుల్ని
వాళ్లకు చూపి౦చాను
ఒంగి దండం పెట్టారు!!
No comments:
Post a Comment