నీళ్లు - కన్నీళ్ళు

నీళ్లు - కన్నీళ్ళు

రాలింది వాన పొడి

తడువలేదు వున్న మడి

ఉండబోదు ఏమాత్రం రాబడి

మిగిలింది కంటిలో తడి

కొన్నారు విత్తనపు గింజలు

రాలాయి పొలములో పింజలు

విస్తుపోయాయి ఇరు సంజెలు

మిగిలాయి దిష్టి గుంజలు

పెరుగుతుంది కాగిత౦పై వడ్డీ

ఎదుగుతుంది పొలంలో గడ్డి

అమ్ముకున్నారు మిగిలిన దొడ్డి

విరిగింది రైతన్నకు నడ్డి

కుంటింది ముసలి ఎద్దు

విరిగింది నాగలి మొద్దు

లేదు వారి బాధకు హద్దు

చావేనా చివరికి ముద్దు?

తోలిచారు వాళ్ళు రాళ్ళు

మొలవలేదు ఏమాత్రం నీళ్లు

వేసుకున్నారు మెడకు తాళ్ళు

రాలేదు ఎవరికీ కన్నీళ్ళు!!